1. Inleiding 1.1 Een boekeblad Vroeër vanjaar het 'n redelik heftige debat oor die Afrikaanse literatuurkritiek in dagblaaie uitgebreek nadat Media24 aangekondig het dat daar voortaan nie meer drie afsonderlike boekeblaaie-in Beeld, Volksblad en Die Burger sal verskyn nie, maar slegs een nasionale boekeblad. In plaas van drie boekbladredakteurs is daar nou een superredakteur 2. Skrywers en literatore het dadelik 'n bohaai opgeskop en hulle sterk hierteen uitgespreek. By die Stellenbosch

more »

... s is in Maart selfs 'n komitee op die been gebring om skrywers en literatore se verset te koördineer. Hulle argumente het meestal op die volgende neergekom:  In 'n klein taalwêreld soos Afrikaans gaan mens voortaan op een mening, een resensie per boek aangewese wees, in plaas van drie.  'n Enkele boekredakteur (hoe voortreflik dié persoon ook al mag wees) word dan byna almagtig om te besluit wat in Afrikaans geresenseer word en deur wie.  Die aantal boeke wat geresenseer kan word, word minder-voorheen kon daar darem nog hier en daar 'n boek dalk net in een van die drie blaaie bespreek word, al val dit deur die net by die ander. Kortom, die verset is 'n beginselverset teen hegemonie, teen die sentralisering van mag en uiteindelik is selfs so ver gegaan as om te beweer dat die vryheid van spraak deur hierdie stap in gevaar gebring word. Media24 se reaksie op die lawaai van die literatore en skrywers by monde van Tim du Plessis het hoofsaaklik bestaan uit korporatiewe clichés: hierdie is nie 'n afskaling is nie maar 'n verbetering omdat al die hulpbronne nou gekonsentreer word sodat 'n beter diens gelewer kan word. Eintlik dra Media24 boeke op die hart, wil Du Plessis ons laat verstaan-daarom kan mens ook oor boeke lees in die Huisgenoot en in 1 Intreerede as Hoof van die Departement Afrikaans aan die Universiteit van Pretoria: 1 September 2011 2 Die verloop van die debat kan gevolg word by die Litnet miniseminaar: