hie isch ömel schön äbe. Da war's no gäbig z'pure. Oh oui, gäbiger weder uf eunen Ämmitaler Höger. A propos : we ganz guet Wätter isch im Bärnpiet vor, so gseht me d'Ämmitaler Höger, zwüschem Montoz un em Chasserai düre. Das chönnt de Längizyti gäh. Ds Land isch scho schön äbe, das wohl. Aber a teelnen Orte mager, u vil Steine, u Stude. U der Garte nume chlyn. U ds Huus isch halt o chlyn. U dewo isch der Brunne? Zu mene Huus ghört. doch e Brunne Jää, uf em ganze Barg, vo der Pierre Pertuis bis

more »

... f Cibourg, vier, feuf Stund wyt, isch nid en einzige Brunne, u nid en einzige Bach. Das isch drum hie esoo! Der Rage schlüüft gäng grad i Bode abe. Aber wo soll me de ds Wasser harnäh? Eh, luegit, daa isch ja Wasser! I der Syschtärne -im Sood. Es isch Rägewasser, chunt vom Dachda dür die Chanel chunt es abe, u da mit der Pumpi tuet me's ufepumpe. U daa isch der Trog für d'Chüe. Mhmda isch de mängs nid glych wie deheim im Ämmitaldas gseht me. Vil vil Arbeitwe me pure wott, u nid nume chüejere. U mir wetti äbe pure! Wie wyt geit das Land, wo derzue ghört? Eh bien, es geit bis dertabe zu däm Haag, u daa uf der Syte bis zu däm Wäldliu de graadübere bis zum Wald, u no e Bitz i Wald abe. Da uf der obere Syte, mir gseh's jetz nid, bis uf ds Högerli ufe, u dernah graad abe, uf der Schattsyte, allszäme Weid, u de no echly i Wald abe. Wie mängi Jucherte isch es, allszsäme? Oh, i ha's no nie la usinasse. Aber es sy öppe sächzg Jucherte Weid u Wald, u sächs Jucherte Land. We me hie pure wett, so sott de aber meh Land sy. U minder Weid. Ja, we du's nimmsch, so chasch du Weid usrüte. Öppe zwänzg Jucherte, oder no meh. Hättisch du Lüt für das z'mache? Hnimm zum Aafang müeßt i ds meischte scho sälber. Mir hei zwe Buebe, e zwölfjährige un en achtjährige. Die cheu bim Usrüte no nid grad vil verrichte, ömel nid mit der Achs u mit em Pickel. U de hei mer no es zähejährigs Meitschi, aber das het de z'tüe gnue, der Muetter z'hälfe i der Hushaltig. Du muesch drum de Chnächte aastelle. Wenn es nid z'vil choschtet! Uberchunnt me Chnächte, hie? Findt me Chnächte? Oh ouiun i gloube, du bruuchsch se nidemal z'sueche. Es chôme re gäng öppe vom Bärnpiet, us em Seeland, us em Oberland, wo Arbeit sueche uf de Bärge. U vo hie umenanger, us de Dörfer, chasch ere alben einisch o ha. Nume cheu die däich de nid dütsch? Scho nid aber wenn eine wott, so chan er eso nahdinah de scho öppe ds Nötigschte. Moi, par exemple, ig zum Byspil gah scho sit myr