Fang kvalen! Tankar langs ristningsberga på Nordvestlandet release_rev_c8ee6d8a-62d2-44d2-b250-4708bd12e1b9

Abstract

Møre og Romsdal har ei rekke bergkunstlokalitetar frå steinalder (Fig. 1). Måleria på Honnhammar i Tingvoll, ristningane på Rausand og Søbstad på Averøy og ristningane på Bogge i Nesset representerer veidekunstsatsinga vår i Bergkunstprosjektet. Skjøtselsplanar dannar no grunnlag for arbeid på lokalitetane. Skjøtselsplanane er eit felleseige mellom NTNU Vitenskapsmuseet, Kulturavdelinga ved Møre og Romsdal fylke, kommunane og grunneigarane. Etter at tilstandsproblematikk er kartlagt, bøtevoner planlagde, oppgåver og ansvar fordelt, midlar skaffa,-gjeld det å få gjort jobben. Dette er ikkje tida for å dvele ved forståinga av bergbileta. Men det er så rart med det. Å gå langs ristningsberga i dagesvis gjer ein fortruleg med bilete og stad. Kval-niser eller spekkhoggarar-er motiv som går att på alle dei utvalde bergkunstlokalitetane på Nordmøre og Romsdal, samt på Bjørsetsteinane i Molde. I samband med skilting av Averøyristningane vaks det fram eit ynskje i meg om å prøve å fange alderen på kvalane på Averøy på nytt. Denne kvalfangsten vart oppstarten på denne reisa vi no skal ta gjennom veidekunstlokalitetane i fylket. Figur 1. Veidekunst i Møre og Romsdal.
In text/plain format